சர்தார் சரோவர் அணை சில தகவல்கள்

01) சர்தார் சரோவர் அணை கட்ட பிரதமர் நேரு ஏப்ரல் 05 / 1961ல் அடிக்கல் நாட்டியுள்ளார்.

02) 1987ல் கட்டுமானப் பணிகள் முழுவீச்சில் தொடங்கப்பட்டன.

03) சர்தார் சரோவர், கிராவிட்டி அணை வகையைச் சேர்ந்தது.
சர்தார் சரோவர் அணை, உலகிலேயே இரண்டாவது பெரிய கிராவிட்டி அணையாகச் சொல்லப்படுகிறது. [ உலகின் முதல் பெரிய கிராவிட்டி கான்க்ரீட் அணை, அமெரிக்காவில் இருக்கும் 'கிராண்ட் கெளலி' ( Grand Coulee Dam) ஆகும்.]

04) குஜராத்தின் கெவாடியா எனும் பகுதியில் இந்த அணை நிறுவப்பட்டுள்ளது.

05) நேரு காலத்தில் இவ்வளவு பெரிய அணைக்கான திட்டம் தீட்டப்படவில்லை. அன்றைய திட்டத்தில் குறிப்பிடப்பட்டிருந்த ஆழம், 162 அடிகள் மட்டுமே. ( 49.4 மீட்டர் )

06) 2006-ம் ஆண்டே இந்த அணை பயன்பாட்டுக்கு வந்தது. அப்போது இதன் உயரம் 121.92 மீட்டர் ஆகும்.

07) தற்போது இதன் உயரம் 138.68 மீட்டராக ( 455 அடி ) உயர்த்தப்பட்டு பிரதமர் மோடி செப்டம்பர் 17ல் நாட்டுக்கு அர்பணித்துள்ளார்.

08) சர்தார் சரோவர் அணையில் 30 மதகுகள் இருக்கின்றன. ஒவ்வொன்றும் 450 டன் எடைகொண்டது.

09) அணையின் கொள்ளளவு - 5730 மில்லியன் கன மீட்டர்

10) அணையிலிருந்து வெளியேறும் நீரின் மூலம் 1200 மற்றும் 250 மெகாவாட் மின்னுற்பத்தி செய்யப்படும். இதில் 57% மகாராஷ்டிராவுக்கும், 27% மத்திய பிரதேசத்திற்கும், 16% குஜராத்திற்கும் வழங்கப்படும்.

11) அணையின் நீளம் 1200 மீட்டர். பாசன பரப்பு அதிகபட்சமாக 19 லட்சம் ஏக்கர் ஆகும். ஆனால் 90 ஆயிரம் மீட்டர் நீளத்திற்கு கால்வாய் அமைக்க திட்டமிட்டதில் இதுவரை சுமார் 19 ஆயிரம் மீட்டர் மட்டுமே அமைக்கப்பட்டுள்ளது. தற்போதைய அளவில் சுமார் 3 லட்சம் ஏக்கர் மட்டுமே பாசன வசதி பெறும் அளவில் உள்ளது.